КДБ: Затрыманым па справе аб выбуху ў мінскім метро можна прад'явіць абвінавачанне
У Камітэце дзяржбяспекі лічаць, што затрыманым па справе аб выбуху ў Мінскім метрапалітэне можна прад’явіць абвінавачанне.
Як заявіў вузкаму колу журналістаў начальнік Цэнтра інфармацыі і грамадскіх сувязей КДБ Аляксандр Антановіч, «атрыманы аб’ектыўныя і неабвержныя доказы падрыхтоўкі да ўчынення выбуху асноўным падазроным шляхам рэкагнасцыроўкі ім маршруту свайго руху, месца ўстаноўкі выбуховай прылады, размяшчэння аб’ектаў арганізацыі бяспекі метрапалітэна, хронаметражу руху цягнікоў і збірання людзей».
«
Уся гэтая падрыхтоўка вялася ім напярэдадні, 10 красавіка 2011 года, у перыяд з 16.38 да 17.10»,— адзначыў Антановіч, фрагменты выступлення якога былі паказаны 16 красавіка па беларускіх тэлеканалах.
«З удзелам замежных спецыялістаў праведзены дакладныя даследаванні месцаў вырабу выбуховай прылады і іншых рэчавых доказаў. Намаганнямі следчых і аператыўнага складу была знойдзены дыстанцыйная прылада, пры дапамозе якой узрыўчатка была прыведзена ў дзеянне», — сказаў начальнік ЦІГС.
Паводле яго слоў, для дэталёвага вывучэння псіхікі тэрарыста ў працу ўключаны высокакваліфікаваныя спецыялісты Інстытута нацыянальнай бяспекі і Нацыянальнай акадэміі навук. У ходзе следства «раскрываюцца новыя абставіны і факты, кола асоб, якія ўяўляюць цікавасць, пашыраецца».
«Працягваецца праца замежных экспертаў. Іх вынікі дазваляюць аб’ектыўна і адназначна прад’явіць абвінавачанне затрыманым, а таксама атрымаць заключэнні спецыялізаваных інстытутаў і арганізацый у рамках аказання міжнароднай прававой дапамогі», — паведаміў афіцыйны прадстаўнік КДБ.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца3
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары