Міністру інфармацыі Рэспублікі Беларусь
Праляскоўскаму Алегу Вітольдавічу,
220004, г. Мінск, пр. Пераможцаў, 11.
Міско Андрэя Васільевіча, Міско Іраіды Васільеўны,
222160, г. Жодзіна, вул. Ціміразева, д. 16, кв. 19
Зварот
З паведамленняў СМІ мы, Міско А.В. і Міско І.В., даведаліся, што Міністэрства інфармацыі даслала ў Вышэйшы Гаспадарчы суд пазоўны ліст аб закрыцці газет «Народная Воля» і «Наша Ніва».
Мы — даўнія чытачы гэтых выданняў. Спроба закрыць гэтыя СМІ груба парушае нашы канстытуцыйныя правы — у прыватнасці, права на атрыманне, захаванне і пашырэнне поўнай, праўдзівай і своечасовай інфармацыі (артыкул 34 Канстытуцыі Рэспублікі Беларусь). Лічым, што такія дзеянні Міністэрства інфармацыі замахваюцца і на гарантаваныя Канстытуцыяй РБ свабоду меркаванняў, перакананняў і права на іх свабоднае выказванне.
Просім Міністэрства інфармацыі адазваць позвы пра спыненне выпуску газет «Народная Воля» і «Наша Ніва».
Адказ на гэты зварот просім даць у парадку і ў тэрміны згодна з законам «Аб зваротах грамадзян».
Міско І.В., кандыдат сельскагаспадарчых навук;
Міско А.В., кандыдат сельскагаспадарчых навук, лаўрэат Дзяржаўнай прэміі Рэспублікі Беларусь
4 мая 2011 г.
Каментары