Адміністратар суполкі «Марш мільёнаў» Вконтакте на свабодзе, абяцае аднаўленне суполкі
Сяргей Паўлюкевіч звязаўся з журналістам «НН» і ў тэлефоннай размове расказаў пра акалічнасці свайго затрымання.
Сяргей Паўлюкевіч звязаўся з журналістам «НН» і ў тэлефоннай размове расказаў пра акалічнасці свайго затрымання.
У пятніцу, 3 чэрвеня, да яго на кватэру прыехалі тыя самыя два супрацоўнікі КДБ, якія раней спрабавалі завербаваць маладога чалавека. Яны сказалі, каб Сяргей «збіраўся да іх на размову». Забралі таксама яго камп’ютар. Пры гэтым ніякіх дакументаў не паказалі.
У КДБ гутарка ішла пра дзейнасць Сяргея ў якасці адміністратара шэрагу суполак на сайце vkontakte.ru («Марш мільёнаў», «Мы за вялікую Беларусь!»). Сказалі, што нельга заклікаць людзей выходзіць на Плошчу. У супрацьлеглым выпадку яму пагражае артыкул 342 Крымінальнага кодэкса. Папярэджвалі, каб больш не займаўся гэткай «ерундой».
Супрацоўнікі КДБ падключылі камп’ютар Паўлюкевіча і запатрабавалі, каб ён выдаліў суполкі. Малады чалавек у тэлефоннай размове з журналістам «НН» адзначыў, што такой функцыі у vkontakte.ru няма. Таму ён проста адключыў усе блокі.
Паўлюкевіч абяцае, што найбліжэйшым часам праца суполак цалкам адновіцца.
Сяргея адпусцілі ў той самы дзень. Але камп’ютар не аддалі.
На старонцы Сяргея Паўлюкевіча ў vkontakte.ru з’явілася інфармацыя ад яго імя, маўляў, з ім усё ў парадку. Сябры і знаёмыя засумняваліся ў тым, што гэта пісаў сам Сяргей. Але гэта праўда. Малады чалавек адзначыў, што «акаўнт знаходзіцца пад маім кантролем».
Суполка рыхтавала «Марш мільёнаў» за адстаўку Лукашэнкі. Удзельнікі заклікалі распачаць яго 15 ліпеня на цэнтральнай плошчы Мінска. У суполцы «Мы за вялікую Беларусь!» было 120 000 удзельнікаў.
Перад затрыманнем Сяргей Паўлюкевіч распаўсюдзіў ліст, у якім заявіў пра ціск з боку спецслужб на яго сям’ю, у прыватнасці, маму.
Цяпер чытаюць
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца1
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары