Чэмпіёнка свету па фрыдайвінгу выкупалася аголенай з бялухамі
Пры гэтым яна пабіла чарговы рэкорд: яна прабыла ў ледзяной вадзе 10 хвілін і 40 секунд.
Вядомая спартоўка Наталля Аўсеенка выкупалася аголенай у кампаній дзвюх бялух, скокнуўшы ў палонку ў Белым моры. Чэмпіёнка па фрыдайвингу пабіла чарговы рэкорд: яна прабыла ў ледзяной вадзе 10 хвілін і 40 секунд (звычайнаму чалавеку будзе дастаткова і пяці хвілін, каб замерзнуць да смерці).
36-гадовая Аўсеенка кажа: «Я з маленства марыла паплаваць з бялухамі. Пад вадой, вядома, уваходзіш у асаблівы стан альфа-рытму — гэта чымсьці падобна да глыбокай медытацыі. Жывёлы адчуваюць гэта, у моры я ўвесь час сутыкаюся з рознымі насельнікамі, але бялухі — гэта асаблівы выпадак».
Для зносін з бялухамі Наталлі прыйшлося пайсці на крайнія меры. Справа ў тым, што сысуны ўспрымаюць дотык толькі непасрэдна са скурай — вопратка перашкаджае кантакту. Плюс, як падзялілася дасведчаны фрыдайвер, бялухі вельмі ўразлівыя і адчувальныя. «Трэба было цалкам растварыць у сабе чалавека, зрабіцца такой жа ўразлівай і адкрытай — Палярны круг, холад, без гідракасцюма».
Лекары папярэдзілі: невядома, як павядзе сябе арганізм — можна нават аслепнуць, бо ў такой халоднай вадзе хутчэй за ўсё замярзаюць вочы.
Аўсеенка кажа: «Твар пачынае гарэць адразу, але хутка прывыкае. Самае складанае — гэта вочы і патыліца. Такое адчуванне, што ты пастаянна плачаш. Потым расслабляцца, абвыкаеш, пачынаеш дыхаць».
Увесь эксперымент і падрыхтоўку да яго здымалі прафесійныя рэжысёры і падводныя аператары. Да паездкі на Белае мора ўся здымачная група доўга трэніравалася на Ўрале. Відэааператары, сцэнарысты, рэжысёры ў тэрміновым парадку вывучалі тэхніку падлёднага апускання. Сама Наталля Аўсеенка будуе сваю школу фрыдайвінгу на сакрэтах ёгі.
Наталля Аўсеенка — рэкардсменка свету, уваходзіць у пяцёрку наймацнейшых спартовак.
Цяпер чытаюць
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»31
Каментары