У Рэдакцыю чытач даслаў ліст, у якім паскардзіўся на дзеянні міліцыі. 21 чэрвеня ў Мінску павінен быў адбыцца флэшмоб — у прыбіральню з газетай «Советская Белоруссія». Маладыя людзі планавалі сабрацца каля прыбіральні на Нямізе і трымаць у руках «СБ». Калі моладзь прыйшла да вызначанага месца, то ўбачыла машыну з міліцыянтамі і супрацоўнікаў у цывільным. Вырашылі флэшмоб не праводзіць. Але хлапца, у якога на заплечніку была бел-чырвона-белая стужка, забралі людзі ў цывільным у міліцэйскі аўтобус. Разам з ім туды зацягнулі яшчэ аднаго чалавека.
У выніку абодвух хлапцоў пратрымалі на расцяжцы ў аўтобусе паўтары гадзіны, узялі адбіткі пальцаў і адпусцілі.
Цяпер чытаюць
Малады работнік «Мінск-Арэны» павінен заплаціць 71 мільён даляраў7
Каментары