Прайшло сёння ў мінскай архікатэдры.
У Мінску сёння адбылося развітанне з кардыналам Казіміра Свёнткам. Машына з целам святара прыбыла да мінскага Архікатэдральнага касцёла прыкладна, а 12 гадзіне.
Мітрапаліт Тадэвуш Кандрусевіч, сустракаючы труну на ганку касцёла, сказаў: «Сёння ты вяртаешся ў храм, які адбудаваў, каб назаўсёды з яго сысці ў неба». Мітрапаліт у гэты момант не стрымаў слёз.
Пасля гэтага труну з Свёнтакам занеслі ў касцёл, каб там з ім маглі развітацца ўсе ахвочыя. Быў дасланы вянок ад Аляксандра Лукашэнкі, але асабіста кіраўнік дзяржавы на развітанне не прыехаў.
Перад уваходам у Катэдру сталі пасты спецназа, якія правяралі сумкі кожнага, хто прыйшоў на развітанне з Казімірам Свёнтакам.
Кардынал Казімір Свёнтак памёр 21 ліпеня ў Пінску. Ён пражыў 96 гадоў. Кардынал стаяў ля вытокаў адраджэння каталіцкага касцёла ў Беларусі.
У 1941 годзе саветы прыгаварылі маладога святара Казіміра Свёнтка да расстрэлу. Ён чакаў яго два месяцы ў Брэсцкай турме. Але пачалася вайна, і прысуд не паспелі выканаць.
Пасля вайны Свёнтка адправілі на 10 гадоў у канцлагер. Пасля смерці Сталіна ён вярнуўся ў Беларусь. Не зламаны, не надломлены, не азлоблены. Служыў не ў сталіцы, нават не ў абласным цэнтры — у Пінску. Адбудаваў там сабор…
Караткевіч захапляўся будучым кардыналам. Калі Беларусь стала незалежнай, ён узначаліў беларускі касцёл і пры ім ён стаў сапраўды беларускім.
Пахаванне кардынала адбудзецца 25 ліпеня, а
Цяпер чытаюць
Малады работнік «Мінск-Арэны» павінен заплаціць 71 мільён даляраў2
Каментары