Вікторыя Азаранка выйшла ў трэці круг буйнога тэніснага турніру ў Таронта
Беларуская тэнісістка Вікторыя Азаранка (4-ы нумар сусветнага рэйтынгу) выйшла ў трэці круг адзіночнага разраду буйнога турніру Rogers Cup у Таронта (Канада) з прызавым фондам 2 млн. 50 тысяч долараў ЗША. «Пасеяная» на турніры пад 4-м нумарам, першы круг Азаранка прапусціла, а ў другім лёгка абыграла канадку Стэфані Дзюбуа (108) — 6:0, 6:0.
У трэцім крузе Азаранка сёння сустрэнецца з іспанкай Марыяй Хасэ Марцінес Санчэс (37), якая прабілася ў асноўную сетку з кваліфікацыі і ў першым крузе абыграла 14-ю «сеяную» расіянку Анастасію Паўлючэнкаву.
Яшчэ адна беларуская тэнісістка Вольга Гаварцова (105) у адзіночным разрадзе стартавала з кваліфікацыі, але ўжо ў першым крузе пацярпела паражэнне ад італьянкі Альберты Брыянці (56) — 1:6, 5:7.
Вікторыя Азаранка і Вольга Гаварцова таксама гуляюць і ў парным разрадзе.
Дуэт Азаранкі і расіянкі Марыі Кірыленкі атрымаў 4-ы нумар «пасеву» і ад першага круга быў вызвалены. У другім жа крузе беларуска-расійскай пары сёння адбудзецца матч з Анай Івановіч (Сербія) і Андрэа Петкавіч (Германія).
Вольга Гаварцова і Чыа-Юнь Чуань з Тайваня ў першым крузе абыгралі расійска-французскую пару Марыя Кандрацьева/Сафі Лефеўр — 6:3, 7:5. У другім крузе Гаварцова і Чуань сёння згуляюць супраць польскага дуэта Клаудзіа Янс-Ігнацік/Аліцыя Расольска.
Адзначым, што летась Rogers Cup праходзіў на кортах Манрэаля. Вікторыя Азаранка дайшла да паўфіналу, дзе ўступіла расіянцы Веры Званаровай, а Вольга Гаварцова ўжо ў першым крузе прайграла бельгійцы Яніне Вікмаер.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў9
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары