У Львове (Украіна) пачало працу грамадскае аб’яднанне «Беларускі цэнтр». Яго ўзначаліў беларускі праваабаронца Вячаслаў Сіўчык, які пасля масавых арыштаў апазіцыі ў снежні мінулага года вымушаны быў пакінуць Беларусь і цяпер жыве ва Украіне.
Сіўчык паведаміў, што новая грамадская арганізацыя будзе «спрыяць аб’яднанню дэмакратычных сіл у барацьбе з рэжымам Аляксандра Лукашэнкі, а таксама наладжванню
Беларускі цэнтр працуе ў Львове некалькі дзён. Мы перадусім хочам наладзіць супрацоўніцтва з украінскімі палітыкамі, праводзіць культурныя і гістарычныя мерапрыемствы, каб львавяне ведалі праўду пра Беларусь», — сказаў Сіўчык. У прыватнасці, адзначыў ён, грамадская ўстанова мае намер расказваць пра цяперашнюю сітуацыю ў Беларусі, палітзняволеных, пра пераслед уладамі людзей за іх грамадзянскую пазіцыю.
«Ідэя стварыць Беларускі цэнтр з’явілася яшчэ летась пасля таго, як беларуская апазіцыя сумесна з прадстаўнікамі ўкраінскіх партый правяла дзясяткі розных акцый у падтрымку палітзняволеных», — паведаміў Сіўчык.
Паводле яго слоў, падобныя беларускія цэнтры плануецца стварыць яшчэ ў некалькіх украінскіх гарадах. «Хацелася б, каб тое, чым мы займаемся тут, дапамагала беларусам, тым людзям, якія цяпер знаходзяцца за кратамі, якія яшчэ выходзяць на акцыі пратэсту. Усе акцыі, якія я тут арганізоўваю, скіраваны на Беларусь», — падкрэсліў Сіўчык.
Афіцэр-пагранічнік, які прайшоў праз турму, расказвае пра жыццё «да» і «пасля» дый не шкадуе слоў пагарды для амапаўцаў3
Каментары