Бацька пацярпелай Крутой затрыманы, бо выліў мачу на галаву галоўурачу
22 верасня суддзя Федарцоў зачытаў у судзе па тэрактах інфармацыю пра сітуацыю з Крутым.
Вечарам 20 верасня быў затрыманы Аляксандр Круты, які на судзе па справе аб тэракце ў метро прадстаўляе інтарэсы сваёй дачкі Інэсы, пацярпелай падчас выбуху 11 красавіка. Аляксандр Круты звярнуў увагу на сябе тым, што хадайнічаў пра перанос суда да часу адмены смяротнага пакарання і ўвядзення суда прысяжных. Фактычна, гэта было выказванне недаверу да суда і следства па справе.
Інэса Крутая 21 верасня сама прыйшла на пасяджэнне суда і меркавала звярнуцца да суддзі з заявай, каб запатрабаваць прыпыніць працэс да таго час, пакуль яе бацька не будзе зноў дапушчаны ў суд у якасці яе прадстаўніка. Сама Інэса Крутая наведваць суд не ў стане, бо атрымала сур’ёзныя траўмы падчас тэракта.
Аднак 21 верасня падаць заяву яна не паспела. А
22 верасня суддзя Федарцоў зачытаў інфармацыю пра сітуацыю з Крутым.
Згодна з ім, 17 жніўня 2011 года [г.зн. месяц назад] Круты ва ўпраўленні аховы здароўя выліў мачу з двух паўлітровых слоікаў на галоўнага ўрача. У сувязі з гэтым заведзена крымінальная справа ў адносінах да Крутога за хуліганства. Справа заведзена 19 жніўня.
Сваякам Крутога стала вядома, што па накіраванні пракурора Аляксандр Круты адпраўлены ў РэспубліканскіПра гэта сваякам паведамілі ў Маскоўскім РУУС сталіцы.навукова-практычны цэнтр псіхічнага здароўя (Навінкі).
Аляксандра Крутога ў свой час асуджалі за «абразу Лукашэнкі».Крымінальную справу паводле арт. 368 КК распачалі ў маі 2003 г. На той момант ён жыў у Нясвіжы, займаўся праваабарончай дзейнасцю. Пасля завядзення справы яго адпусцілі пад распіску. Ён з’ехаў у Мінск, дзе знаходзіўся да восені 2007 года. Ён быў ізноў затрыманы і змешчаны ў жодзінскае СІЗА.
24 студзеня 2008 года суд Нясвіжскага раёна прызнаў Аляксандра Крутога вінаватым у публічнай абразе Лукашэнкі. З прычыны адсутнасці вялікай пагрозы для грамадства яго вызвалілі ад адказнасці і спынілі справу. Аднак дамоў ён патрапіў не адразу.
У часе следства праводзіласяЗамест вызвалення яго накіравалі на лячэнне ў рэспубліканскі псіхіятрычны шпіталь у Навінках.судова-медыцынская экспертыза, якая выявіла ў Крутога паранаідальную шызафрэнію.
У лютым 2008 года судовая калегія па крымінальных справах Мінскага абласнога суда адмяніла пастанову суда Нясвіжскага раёна і адмяніла вытворчасць па справе Крутога.
У свой час Аляксандр Круты, фізік па адукацыі, працаваў на Міністэрства абароны, потым стаў прадпрымальнікам.«Гэта бескампрамісны і валявы чалавек, меў вялікі архіў дакументаў, бо не прапускаў ніводнага выпадку парушэння правоў сваіх землякоў», — характарызаваў у 2007 годзе Крутога грамадскі актывіст з Нясвіжа Алесь Язвінскі.
У сувязі з затрыманнем Аляксандра Крутога, іншы пацярпелы пад час выбуху ў метро Самвэл Саакян заявіў, што ён збіраецца наведваць усе судовыя пасяджэнні, бо не мае гарантый, што і яго не затрымаюць. Саакян, як і Круты, быў самым актыўным з удзельнікаў працэсу з боку пацярпелых. Яны падавалі хадайніцтвы і актыўна задавалі пытанні.
Жыхарцы Магілёва пагражаюць крыміналкай за тое, што зняла ранішнюю чаргу ў рэгістратуру3
Каментары