3 кастрычніка на аб’яўленую акцыю «Стоп-бензін» з’явіліся толькі міліцыянты.
Як паведамляюць карэспандэнты «НН», на цэнтральных вуліцах сталіцы не заўважаныя ўдзельнікі акцыі «Стоп-бензін», аб’яўленай пасля чарговага падаражання паліва.
На праспекце Незалежнасці і прылеглых вуліцах зафіксаваная актыўнасць міліцыянтаў і супрацоўнікаў ДАІ. Прадстаўнікам прэсы, у першую чаргу фотарэпарцёрам, давялося задавольвацца толькі сцэнай эвакуацыі міліцэйскім трактарам легкавіка.
Нагадаем, што арганізатары акцыі не адмаўляюцца ад стратэгіі, якая выкарыстоўвалася падчас папярэдніх пратэстных выступленняў.
Сёння з 19.00 да 19.30 яны прапаноўвалі аўтамабілістам прыехаць на цэнтральныя праспекты, Незалежнасці і Пераможцаў, і знізіць хуткасць да 20–30 км/г.
Варта нагадаць таксама, што запланаваная на вечар 14 верасня ў Мінску акцыя аўтамабілістаў супраць падаражання паліва «Стоп-бензін» не адбылася.
Цяпер чытаюць
«Я толькі аднаго хачу: каб вы паверылі мне зноў». Як прайшла першая акцыя Ціханоўскага ў Варшаве пасля вызвалення11
Каментары