У Малдове ўлада і апазіцыя пачалі перамовы па выхадзе з палітычнага крызісу

У Малдове ўлады і апазіцыя пачалі перамовы па пераадоленні зацяжнога палітычнага і канстытуцыйнага крызісу,

паведамляе карэспандэнт БелТА.

Перамовы правялі старшыня Ліберальна-дэмакратычнай партыі Малдовы, прэм’ер-міністр краіны Уладзімір Філат і старшыня найбуйнейшай у краіне апазіцыйнай Партыі камуністаў Малдовы (ПКРМ), экс-прэзідэнт Уладзімір Варонін, якія абмеркавалі палітычную сітуацыю ў краіне і шляхі пераадолення канстытуцыйнага крызісу. Бакі дамовіліся працягнуць дыялог для вырашэння палітычнага крызісу. Іншыя падрабязнасці сустрэчы не паведамляюцца.

Парламент Малдовы цяперашняга склікання павінен быць распушчаны, калі не абярэ новага прэзідэнта. Для самастойнага абрання новага кіраўніка дзяржавы кіроўнай кааліцыі не хапае двух галасоў, якія яны могуць атрымаць толькі ў Партыі камуністаў. З прычыны неабрання прэзідэнта Малдовы з 2009 года ўжо былі распушчаныя парламенты рэспублікі двух скліканняў. Апошнія датэрміновыя парламенцкія выбары ў Малдове адбыліся 28 лістапада 2010 года. Малдова ўжо ўсталявала сусветны палітычны рэкорд, пражыўшы больш за два гады без законна абранага прэзідэнта.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ