Суд Ленінскага раёна Брэста 17 кастрычніка вярнуў у міліцыю на дапрацоўку матэрыялы адміністрацыйнай справы праваабаронца Рамана Кісляка.
Супрацоўнікі міліцыі затрымалі Кісляка 16 кастрычніка прыкладна ў 18.00 на бульвары Касманаўтаў падчас правядзення праваабаронцам адзіночнага вулічнага шэсця ў падтрымку
Пасля затрымання Кісляка даставілі ў Ленінскі РАУС Брэста, дзе ў яго дачыненні склалі адміністрацыйны пратакол на падставе ч. 1 арт. 23.34 КоАП за правядзенне несанкцыянаванага мерапрыемства.
Ноч Кісляк правёў у ізалятары часовага ўтрымання, адкуль 17 кастрычніка быў дастаўлены ў суд.
«Не пачынаючы судовага пасяджэння, суддзя заявіў, што пасля вывучэння матэрыялаў маёй справы ў ёй выяўленыя недахопы. І для іх ліквідацыі справа адпраўляецца ў міліцыю, — паведаміў БелаПАН Кісляк. — Я таксама лічу, гэта справа не магла быць разгледжаная ў судзе. Са складзенага на мяне пратакола не зразумела, у чым канкрэтна я абвінавачаны, якую норму закона парушыў і якое несанкцыянаванае мерапрыемства праводзіў».
Паводле меркавання Кісляка, у яго дзеяннях няма складу адміністрацыйнага правапарушэння.
«Я папярэдзіў Брэсцкі гарвыканкам аб правядзенні мною 16 кастрычніка на пешаходнай частцы бульвара Касманаўтаў адзіночнага вулічнага шэсця супраць незаконнага ўтрымання пад вартай Алеся Бяляцкага, — адзначыў Кісляк. — Гэта акцыя не падпадае пад закон аб масавых мерапрыемствах, і я не абавязаны атрымліваць на яе дазволу».
Цяпер чытаюць
Лукашэнка заявіў, што расцягнуў мышцы спіны пасля падзення на хакеі13
Лукашэнка заявіў, што расцягнуў мышцы спіны пасля падзення на хакеі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары