Частка пазыкаў Грэцыі будзе спісаная, еўрапейскі фонд выратавання павялічаны да 1 трлн еўра, у тым ліку пры дапамозе інвестыцый з Кітая,— такія вынікі паседжання лідараў ЕС, якое цягнулася да ранняга раніцы чацвярга. Гэта яшчэ не гарантыя выратавання Еўропы ад пазыковага крызісу. Падрабязнасцяў няма, але інвестары вераць у лепшае: рынкі растуць.
Удзельнікі саміта дамовіліся аб павелічэнні Еўрапейскага фонду фінансавай стабільнасці (EFSF). Як удакладнілі Меркель і прэзідэнт Францыі Нікаля Сарказі, яго аб’ём пашырыцца «ў
Гэтыя сродкі Еўропа разлічвае атрымаць у інвестараў і асабліва спадзяецца на Кітай.
Яшчэ адным пунктам стала прадпісанне еўрапейскім банкам прывесці капітал у адпаведнасць са сваімі інвестыцыйнымі партфелямі. На гэта можа спатрэбіцца больш за 100 млрд еўра, рэкапіталізацыя мае завяршыцца да 30 чэрвеня 2012.
Таксама на сустрэчы было ўхваленае вылучэнне Грэцыі дадатковых 100 млрд еўра ад ЕС і МВФ. «Гэта выключныя меры, якія адпавядаюць экстраардынарнай сітуацыі», — адзначыў кіраўнік Еўракамісіі Жазэ Мануэл Барозу.
Але Грэцыя абавязаная вярнуць у EFSF 15 млрд еўра, атрыманых у выніку прыватызацыі.
Сярод іншых станоўчых момантаў саміта — узмацненне ролі МВФ, абяцанне Італіі скарачаць свой доўг і сігналы ад кіраўніцтва Еўрапейскага цэнтрабанка аб будучай падтрымцы другаснага рынку аблігацый.
Найбольш складаным пытаннем было спісанне грэцкага доўгу. Еўрапейскія чыноўнікі настойвалі на спісанні да 60%, банкі прапаноўвалі не больш за 50%. Тым не менш па выніках саміта кампраміс быў знойдзены. Трымальнікі грэцкіх аблігацый страцяць палову іх кошту.
Гэтая мера мае ўтрымаць усё большы грэцкі дог на ўзроўні 120% ВУП да 2020 года. Прэзідэнт ЕС Херман ван Ромпей чакае, што меры дадуць мультыплікатыўны эфект з аддачай ў 4–5 разоў.
Цяпер чытаюць
Эйсмант: Статкевіча памілавалі ўжо паўгода назад, але тады ён вярнуўся ў турму30
Каментары