Лосік расказаў, праз якія пакуты прайшоў музыка Tor Band Яўген Бурло
Блогер і былы палітзняволены Ігар Лосік перасякаўся за кратамі з музыкам Tor Band Яўгенам Бурло. Той цяпер знаходзіцца ў калоніі №3 (Віцьба) і перасоўваецца на мыліцах.
«Астэапароз двух ног, на правай зрабілі аперацыю, прайшоў праз месяцы пакут, таму што самі разумееце, як ва ўмовах турмы праходзіць аперацыя і рэабілітацыя. Мне расказваў, што гэта было пекла. Трэба тэрмінова рабіць аперацыю на другой назе. Нармальна хадзіць ён не можа, і ўявіце, як гэта жыць у такім стане ва ўмовах лагера.
Яго чамусьці пратрымалі паўгода ў СІЗА КДБ, сказалі напісаць на памілаванне роўна год таму, але адвезлі назад на лагер і не выпусцілі», — расказаў у сваім канале Ігар Лосік.
У кастрычніку 2023 года музыкаў Tor Band прысудзілі да вялізных тэрмінаў калоніі. Іх абвінавацілі ў распальванні варожасці, стварэнні экстрэмісцкага фармавання, дыскрэдытацыі Беларусі і абразе Аляксандра Лукашэнкі.
Зміцер Галавач атрымаў 9 гадоў калоніі ўзмоцненага рэжыму, Яўген Бурло — 8 гадоў, Андрэй Ярэмчык — 7,5 гадоў калоніі.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары