Заўтра ўвечары ў Нацыянальным мастацкім музеі (МІнск, Леніна, 30) будуць гучаць вершы Максіма Багдановіча.
«Зьніч» — адзіны ў Беларусі тэатр, які працуе ў складанай тэатральнай форме монаспектакля, які патрабуе ад выканаўцы віртуознага валодання акцёрскім майстэрствам. Тэатр створаны пры Белдзяржфілармоніі ў 1989 годзе. Яго асноўная рэпертуарная лінія — папулярызацыя твораў беларускіх аўтараў і ўзораў сусветнай класікі. Тэатр дае ўяўленне аб магчымасцях і значнасці беларускага слова, аб асаблівасцях мовы паэтычнай і мовы тэатральнай.
— Максім Багдановіч быў малады, маладым і застаўся. Гэтае імя заўсёды хвалюе, — кажа рэжысёр Галіна Дзягілева. — Уся яго паэзія прасякнута вялікай любоўю да жыцця… Ён быў народжаны ў сэрцы Беларусі — над Свіслаччу, але лёс распарадзілася так, што вялікую частку жыцця правёў удалечыні ад радзімы. Так здарылася, што і пахаваны ён быў далёка ад тых месцаў, дзе былі яго думкі і сэрца.
Ад прыватнікаў патрабуюць завесці ідэолага ў штаце — распыталі, што робяць кампаніі18
Каментары