Скарга ў Мінскі абласны суд на рашэнне Крупскага раённага суда падпісаная начальнікам Крупскага РАУС палкоўнікам Сацуком.
Трое жыхароў Крупак, якія былі затрыманыя 18 лістапада мінскім АМАПам і апраўданыя Крупскім раённым судом, зноў паўстануць перад судом.
Адміністрацыйныя справы траіх затрыманых, якія суд Крупскага раёна пад старшынствам Сіваковай закрыў 21 лістапада, будуць перагледжаныя ў Мінскім абласным судзе 16 снежня. Як расказаў адзін з апраўданых, Руслан Вялюха, скарга ў Мінскі абласны суд на рашэнне Крупскага раённага суда падпісаная начальнікам Крупскага РАУС палкоўнікам Сацуком. У дакуменце ставяцца пад сумнеў паказанні сведак, што даводзілі неправамернасць затрымання і ўжывання сілы ў дачыненні да затрыманых, сцвярджаецца, што сведкі нібыта з’яўляюцца зацікаўленымі асобамі. Акрамя таго, звяртаецца ўвага на тое, што ў якасці сведак у зале суда не былі апытаныя супрацоўнікі АМАПа.
«Апраўданых крупскім судом больш, — кажа Руслан. — Але пакуль пра перасуд паведамілі толькі нам траім».
Сам Руслан тым часам рыхтуе скаргу на дзеянні мясцовых міліцыянтаў у раённую пракуратуру, а таксама ў Генпракуратуру — на дзеянні амапаўцаў.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне6
Каментары