Дэлегацыя беларускай апазіцыі знаходзіцца з візітам у Лондане па запрашэнні Міністэрства замежных спраў Вялікабрытаніі.
Як паведамляе сайт грамадзянскай кампаніі «Гавары праўду!», у дэлегацыю ўваходзяць старшыня Аб’яднанай грамадзянскай партыі Анатоль Лябедзька, Ірына Багданава (кампанія «Еўрапейская Беларусь»), Ігар Драко («Гавары праўду!»), сустаршыня аргкамітэта па стварэнні партыі «Беларуская хрысціянская дэмакратыя»,
Вечарам 13 снежня прадстаўнікоў беларускай апазіцыі прымалі ў Палаце абшчын Вялікабрытаніі. Арганізатарамі сустрэчы выступілі лорд Добс, член правячай Кансерватыўнай партыі, і дэпутат ад Лейбарысцкай партыі Памела Нэш. У сустрэчы бралі ўдзел 15 брытанскіх парламентарыяў.
Прадстаўнікоў Вялікабрытаніі цікавіла цяперашняя сітуацыя ў Беларусі. Размова, у прыватнасці, ішла пра палітычныя рэпрэсіі і пра палітзняволеных, якія дагэтуль знаходзяцца ў турмах. Усе пытанні зводзіліся да аднаго: што неабходна зрабіць для найхутчэйшага вызвалення і рэабілітацыі ўсіх беларускіх палітзняволеных. Пры гэтым падкрэслівалася, што вызваленне і рэабілітацыя ахвяраў беларускага рэжыму павінны стаць пачаткам палітычных перамен у Беларусі, паведамляе кампанія «Гавары праўду!».
На думку Добса, калі казаць пра эканамічныя меры ўздзеяння на афіцыйны Мінск, неабходна ў першую чаргу разабрацца: спыненне якога менавіта супрацоўніцтва больш за ўсё ўдарыць па ўладах. Лорд Добс раздзяляе меркаванне некаторых беларускіх удзельнікаў сустрэчы аб тым, што гаворкі пра поўнае згортванне эканамічнага супрацоўніцтва быць не павінна. Разам з тым, мяркуе ён, спыненне міждзяржаўных кантактаў і супрацоўніцтва паміж банкамі павінна папярэдзіць прыватны бізнес Вялікабрытаніі аб тым, што Беларусь пры цяперашняй уладзе — не лепшае месца для інвестыцый і развіцця бізнесу.
14 снежня ў беларускай дэлегацыі запланаваны шэраг сустрэч з кіраўніцтвам МЗС і парламента Вялікабрытаніі, а таксама з прадстаўнікамі НДА, праваабаронцамі і журналістамі.
Цяпер чытаюць
Паступова выйшлі на волю арыштаваныя па «Справе кнігароў». Акрамя аднаго5
Каментары