«Ужо ў пачатку 2012 года нам давядзецца павысіць заробак, пенсіі».
Аб гэтым заявіў Аляксандр Лукашэнка, выступаючы сёння на пастаянна дзеючым семінары кіруючых работнікаў рэспубліканскіх і мясцовых дзяржаўных органаў на тэму «Імпартазамяшчэнне як важнейшы фактар дасягнення збалансаванага развіцця эканомікі Рэспублікі Беларусь».
«Даходы насельніцтва, зарплаты і пенсіі будзем паслядоўна павышаць. Ужо ў пачатку 2012 года нам давядзецца чарговы раз іх павысіць», — заявіў кіраўнік дзяржавы.
«Нашы вытворцы павінны дабіцца, каб людзі патрацілі прыбаўку даходаў на куплю айчынных тавараў», — падкрэсліў ён.
Паводле яго слоў, станоўчыя тэндэнцыі ў знешнім гандлі ў гэтыс годзе не павінны нікога расслабляць. «У выніку карэкціроўкі курсу беларускага рубля [дэвальвацыі з 3000 да 8500 рублёў за даляр - НН] рэзка падаражэў імпарт. Таму мы сталі менш закупляць тавараў за мяжой і больш экспартаваць сваёй прадукцыі. Але гэта не будзе доўжыцца доўга», — сказаў Аляксандр Лукашэнка.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда17
Каментары