У мінулыя выхадныя ў Беларусі паўсюдна прайшоў снег, асабліва інтэнсіўным ён быў у Гомельскай і Магілёўскай абласцях, паведаміла галоўны сіноптык Рэспубліканскага гідраметэацэнтра Людміла Парашчук.
Значна павялічылася і вышыня снежнага покрыва. Паводле апошніх даных, вышыня снегу вагаецца ад 10 см да 22 см. Месцамі па Гомельскай і ўсходу Віцебскай вобласці вышыня снегу ўжо складае 23–27 см. На метэастанцыі Брагін на паўднёвым усходзе Гомельскай вобласці вышыня сумётаў дасягнула 35 см. У бліжэйшыя двое сутак у многіх раёнах краіны зноў пройдзе снег, але яго інтэнсіўнасць будзе паступова змяншацца. У сталіцы, паводле апошніх звестак, вышыня снежнага кіліма складае 20 см, у бліжэйшыя двое сутак яна павялічыцца на 1–2 см. У многіх раёнах Беларусі ападкі з улікам дажджоў, што прайшлі ў пачатку месяца, ужо перасягнулі месячную норму.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў13
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары