З раніцы ў Ленінскім судзе Мінска праходзяць суды над актывістамі «Маладога фронту», якіх затрымалі 7 сакавіка.
Пра гэта паведаміла намеснік старшыні зарэгістраванай у Чэхіі арганізацыі «Малады фронт» Наста Палажанка.
«Ужо асудзілі Дзмітрыя Крымянецкага, Міхала Мускага і Уладзіміра Яроменку.
Усім далі яшчэ па 15 сутак адміністрацыйнага арышту. Гэта не ўлічваючы таго, што хлопцы ужо адбылі на Акрэсціна па 3 дні. Такім чынам, атрымліваецца па 18 дзён на кожнага.Рамана Васільеў таксама атрымаў 15 сутак», — кажа Наста Палажанка.
Актывістаў судзяць за ўдзел у акцыі каля МЗС, калі быў закіданы будынак міністэрства туалетнай паперай на знак пратэсту супраць высылцы з Беларусі замежных дыпляматаў.
«Міліцыянты, як заўсёды, даюць хлуслівыя паказанні. Відавочна, што Дзмітрый Крымянецкі не браў удзел у акцыі, але і яго засудзілі. Але найбольш складанае становішча зараз ва Уладзя Яроменкі. Яму пасля гэтага адміністрацыйнага арышту пагражае крымінальны нагляд» [Яроменак быў палітвязнем], — кажа Наста Палажанка.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары