У справе аб пажары ў расонскай школе падазроных пакуль няма
У бальніцы застаюцца пяцёра школьнікаў.
У справе аб пажары ў сярэдняй школе ў Расонах (Віцебская вобласць) ні падазроных, ні абвінавачаных пакуль няма. Праводзяцца неабходныя следчыя мерапрыемствы, паведаміў начальнік аддзела інфармацыі і сувязі з грамадскасцю Следчага камітэта Беларусі Павел Траулька.
Нагадаем, 7 сакавіка, а 8.00 у Расонскі аддзел па надзвычайных сітуацыях паступіла паведамленне пра ўзгаранне ў трохпавярховым будынку сярэдняй школы імя Машэрава. Да месца выкліку выехалі чатыры падраздзяленні МНС. Сумесна з адміністрацыяй школы былі эвакуяваныя 575 дзяцей і 36 выкладчыкаў. Папярэдне прычынай пажару было названа неасцярожнае абыходжанне з агнём неўстаноўленай асобы, у выніку чаго адбылося ўзгаранне складаванай макулатуры.
Спачатку паведамлялася пра адсутнасць пацярпелых. Аднак затым высветлілася, што некаторыя школьнікі, спалохаўшыся, сталі выскокваць з вокнаў. У выніку з пераломамі і ўдарамі былі шпіталізаваны сямёра дзяцей. Зараз у дзіцячай абласной бальніцы ў Віцебску знаходзяцца пяцёра навучэнцаў расонскай школы.
Упраўленнем Следчага камітэта па Віцебскай вобласці 7 сакавіка была распачата і расследуецца справа на падставе часткі 2 артыкула 304 Крымінальнага кодэкса (парушэнне правілаў пажарнай бяспекі). Максімальнае пакаранне за гэта злачынства — тры гады пазбаўлення волі.
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі29
Каментары