Паводле версіі следства, Лазар са жніўня 1975 па сакавік 2003 служыў ва Узброеных сілах СССР і РФ і меў доступ да звестак, што складаюць дзяржаўную тайну. Цяпер ён палкоўнік запасу.
Паводле дадзеных следства, у 2008 Лазар купіў у калекцыянера аптычныя дыскі, якія змяшчаюць больш за 7 тыс. электронных малюнкаў тапаграфічных карт тэрыторый Расійскай Федэрацыі, скапіяваў іх на жорсткі дыск і вывез у Рэспубліку Беларусь, дзе праз пасярэдніка перадаў іх свайму знаёмаму Аляксандру Лэсменту, які пражывае ў Эстоніі. Пра апошняга вядома, што ён з 1994 г. актыўна супрацоўнічае з амерыканскай разведкай.
Паводле заключэння экспертаў, тапаграфічныя карты, атрыманыя Мінабароны ЗША, утрымліваюць звесткі, якія складаюць дзяржаўную таямніцу. Перадача іх ваенным ведамствам іншых краін можа нанесці істотную шкоду бяспецы Расіі і даць магчымасць ажыццяўляць планаванне магчымых ваенных акцый.
У сувязі з гэтым тапаграфічныя карты могуць быць выкарыстаныя для інфармацыйнага забяспечання палётных заданняў для ракет усіх відаў базавання, а таксама для падрыхтоўкі і правядзення сухапутных аперацый.
