Выступаючы на слуханнях у Еўрапарламенце, яна дадала, што цяпер у ЕС «з'явілася новая магчымасць для нармалізацыі адносінаў з Беларуссю».
Вызваленне былога кандыдата ў прэзідэнты Андрэя Саннікава і члена яго каманды Дзмітрыя Бандарэнкі «паказвае сілу ЕС». Пра гэта вярхоўны прадстаўнік ЕС па знешняй палітыцы і палітыцы бяспекі Кэтрын Эштан заявіла еўрапарламентарыям у Люксембургу 17 красавіка.
«Я задаволеная, што ў Беларусі спадары Саннікаў і Бандарэнка вызваленыя з турмы. Мы падтрымліваем сувязь, і я сапраўды спадзяюся, што, магчыма, у Беларусі ў нас ёсць шанц», — сказала Эштан на пасяджэнні, што транслявалася ў жывым эфіры сайтам Еўрапарламента.
Паводле слоў дыпламата, гэта вызваленне паказвае, чаму для ЕС так важна захоўваць адзінства.
Саннікаў і Бандарэнка былі арыштаваны пасля насільнага разгону апазіцыйнай акцыі пратэсту ў Мінску ў дзень прэзідэнцкіх выбараў 19 снежня 2010 года. Дабіваючыся вызвалення і рэабілітацыі іх і іншых апанентаў улады, ЕС увёў санкцыі ў дачыненні да соцень прадстаўнікоў беларускай дзяржавы і дзясяткаў беларускіх кампаній.
5 красавіка на нарадзе па знешняй палітыцы Лукашэнка заявіў, што ў хуткім часе разгледзіць пытанне аб памілаванні некаторых асуджаных апазіцыйных палітыкаў. Саннікаў і Бандарэнка былі вызваленыя на мінулым тыдні.
Паводле звестак беларускіх праваабаронцаў, у месцах пазбаўлення волі застаюцца яшчэ 13 палітзняволеных.
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны15
Каментары