Гэрбэрт, Зьбігнеў. Рапарт з гораду ў аблозе. Выбраныя творы. / Укладальнік і рэдактар: Андрэй Хадановіч. – Wroclaw, Kolegium Europy Wschodniej im. Jana Nowaka?Jezioranskiego, 2006. — 300 с.
У прадмове да кнігі Марына Казлоўская піша: «[Зьбігнеў Гэрбэрт] Нарадзіўся ў Львове, пра які ўсё жыцьцё мроіў, не асьмельваючыся, аднак, вымавіць уголас імя свайго Гораду. Усё жыцьцё вучыўся. (...) Шукаў сэнсу ў сьвеце страчаных сэнсаў. Мудрасьцю памнажаў скруху. Быў з пакаленьня, якое зьведала апакаліпсіс. На ўласныя вочы бачыў бездань чалавечага падзеньня. І бараніў Чалавека».
Гэрбэрт пакінуў нам сваё Дзевяцікніжжа. Пасланьне Пана Гэрбэрта.
Зьбігнеў Гэрбэрт «ведаў, што слова занадта слабое, каб нешта зьмяніць. І зьмяняў сьвет словам».
Мілаш, Чэслаў. Іншага канца сьвету ня будзе: Выбраныя творы. / Укладальнік і рэдактар: Андрэй Хадановіч. – Wroclaw, Kolegium Europy Wschodniej im. Jana Nowaka-Jezioranskiego, 2006. — 352 с.
«У 1987 г., калі я ўпершыню прачытаў у Encyclopedia Britannika пра ягоны Скуты розум, мне было цяжка паверыць, што ён яшчэ жывы, — піша ў прадмове Ігар Бабкоў. — (...) Мілаш прыходзіў госьцем адтуль, зь мінулага, якое магло здарыцца з намі — калі б мы захацелі. А магчыма, і здарылася, толькі мы пра гэта не памяталі, у нашых хрушчоўскіх дворыках, сярод салодкага ампіра імпэрскіх ускраінаў, дзе ўжо даўно нічога не адбывалася».
Як і ў кнізе Зьбігнева Гэрбэрта, тэксты ідуць паралельна па-польску і па-беларуску.
Хафнэр, Сэбасьціян. Гісторыя аднаго немца. Успаміны 1914?1933. / Пер. зь нямецкай Яўгена Бяласіна. — Менск, 2006. — 276 с.
Bialorus trudna droga do demokracji. – Wroclaw, Kolegium Europy Wschodniej im. Jana Nowaka?Jezioranskiego, 2006. 150 c.
У кнігу ўвайшлі артыкулы на бягучыя праблемы Аляксандра Мілінкевіча, Станіслава Шушкевіча, Аляксандра Казуліна, Аляксандра Вайтовіча, Вячаслава Хадасоўскага, Тадэвуша Гавіна, Яўгена Мірановіча ды інш. Прадмову напісаў Мікола Іваноў.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!1
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары