Беларусь 13 красавіка 2012 года ў мэтах выканання сваіх абавязацельстваў па крэдыцеstand-by МВФ ажыццявіла першае пагашэнне асноўнага доўгу ў памеры 64,7 млн. СДР, што эквівалентна 99,8 млн. долараў ЗША, паведаміла Міністэрства фінансаў.
Нагадаем, у 2009–2010 гадах Беларусь атрымала пяць траншаў крэдыту МВФ па праграме. Агульная сума сродкаў, выдзеленых фондам у межах стабілізацыйнай праграмы, склала каля 3,46 млрд. долараў.
У 2012 годзе на пагашэнне і абслугоўванне знешняга доўгу Беларусі павінна быць выдзелена 1,631 млрд. долараў. Самыя буйныя плацяжы павінны быць скіраваныя на пагашэнне крэдытаў МВФ — 562,91 млн. долараў.
Па стане на 1 сакавіка 2012 года знешні дзярждоўг склаў 11,9 млрд. долараў ЗША. За 2011 год знешні дзяржаўны доўг Беларусі ўзрос на 2,3 млрд. долараў ЗША, або на 24,4%. Яго рост быў забяспечаны прыцягненнем нязвязаных крэдытных рэсурсаў для папаўнення золатавалютных рэзерваў: аблігацыі на міжнародным фінансавым рынку (800 млн. долараў); крэдыт Антыкрызіснага фонду ЕўрАзЭС (1 млрд. 240 млн. долараў).
Паводле ацэнак Мінфіна, на канец 2012 года знешні дзярждоўг можа ўзрасці да 14 млрд. долараў.
Анжаліка Мельнікава пасля знікнення набыла дзве кватэры ў Мінску90
Каментары