Міліцыя ўстанаўлівае месцазнаходжанне двух пацыентаў Брэсцкай абласной псіхіятрычнай бальніцы «Магілёўцы», якія самавольна пакінулі лячэбную ўстанову.
Як паведамілі ў Пружанскім РАУС, 22 красавіка ў міліцыю звярнуўся дзяжурны ўрач гэтай бальніцы, што ў вёсцы Магілёўцы Пружанскага раёна. Медык расказаў, што ў гэты дзень прыкладна ў пяць гадзін вечара бальніцу пакінулі два пацыенты, якія знаходзяцца на стацыянарным прымусовым лячэнні. Яны ляжалі ў адным аддзяленні ў розных палатах.
Пружанскі РАУС пачаў пошук уцекачоў. Арыенціроўкі на іх накіраваныя ва ўсе гарадскія і раённыя аддзелы ўнутраных спраў вобласці, праінфармаваныя сваякі пацыентаў. Паводле звестках, няшчасных выпадкаў з імі не адбылося.
Згодна з інфармацыяй на раніцу 25 красавіка, дзе знаходзяцца гэтыя мужчыны, пакуль не ўстаноўлена. Іх пошук працягваецца.
Міліцыя звяртаецца да грамадзян, якія маюць інфармацыю аб месцазнаходжанні гэтых людзей, з просьбай паведаміць па тэлефоне 102.
Як адзначылі ў Пружанскім РАУС, сёлета гэта першы выпадак самавольнага пакідання гэтай бальніцы пацыентамі.
Каментары