Прадстаўнік АБСЕ па пытаннях свабоды СМІ Дунья Міятавіч заклікала Аляксандра Лукашэнку спыніць націск і пераслед беларускіх незалежных СМІ. Пра гэта паведамляепрэс-служба АБСЕ.
«Прэзідэнт Лукашэнка павінен спыніць надзвычай рэзкую палітыку Беларусі ў дачыненні да СМІ. Існуе вострая неабходнасць свабоды для СМІ ў Беларусі. І гэта свабода можа быць дасягнута толькі калі — для пачатку — усе абвінавачанні і ўжо вынесеныя прыгаворы ў дачыненні да журналістаў будуць ануляваныя», — гаворыцца ў лісце Міятавіч, накіраваным 8 мая на імя Лукашэнкі.
Міятавіч, у прыватнасці, нагадвае пра журналістаў Ірыну Халіп і Андрэя Пачобута, якія асуджаны за крытычныя матэрыялы на адрас беларускіх улад, а таксама пра Наталлю Радзіну, вымушанай пакінуць краіну, каб пазбегнуць судовага пераследу і магчымага турэмнага зняволення.
«Гэтыя прысуды павінны быць неадкладна адмененыя, бо яны пасылаюць выразны сігнал усім СМІ ў Беларусі аб тым, што ўрад не пацерпіць крытычных галасоў на адрас улад і праваахоўных органаў.Журналісты, якія выказваюць іншы ад урадавага пункт гледжання, жывуць у страху за сваю бяспеку і бяспеку блізкіх», — падкрэсліла Міятавіч.
Яна таксама адзначыла: «Чыноўнікі павінны цярпець большую крытыку з боку СМІ, чым звычайныя грамадзяне, і павінны дазволіць свабодныя дэбаты па грамадска значных тэмах у Беларусі і за яе межамі. У адваротным выпадку мы будзем толькі рухацца назад да яшчэ большых рэпрэсій і закрытасці грамадства».
Таццяна Каравянкова, БелаПАН.
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма3
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары