Прэм’ера стужкі аб барацьбе маладых беларусаў за свабоду і незалежнасць краіны запланавана на 22 мая.
У праграме Канскага кінакірмаша на 22 і 23 мая запланавана прэм’ера фільма Кшыштафа Лукашэвіча «Viva Bel@rus» (імаверная назва для пракату на радзіме будзе: «Жыве Бел@русь»).
Прататыпам галоўнага героя фільма, шум вакол якога ўзняўся шчэ ў часе здымак, стаў малады беларускі апазіцыянер Франак Вячорка, а ў аснову сцэнара лёг ягоны вайсковы дзённік. Франак дапамагаў і ў арганізацыі здымак.
Амаль адразу на сайце «Будзьма» з’явіўся фрагмент ранняга сцэнара, які мусіў называцца «Мірон. Жыве Беларусь». Паводле гэтага фрагмента можна меркаваць, што галоўнага героя, рок-музыку, які вырашае заняцца палітыкай і праз гэта трапляе ў войска, клічуць Мірон Захарка. Убачыць тыя фрагменты можна тут.
Аўтары пазіцыянуюць фільм як першы беларускамоўны ў гісторыі Канскага фестывалю. Вядома, што галоўную ролю ў фільме выконвае беларускі рэпер Vinsent (Зміцер Папко), а галоўную жаночую ролю атрымала вядомая польская акторка Караліна Грушка. Рэжысёр Кшыштаф Лукашэвіч стаў вядомы, у прыватнасці, працай над нядаўнім фільмам «Варшаўская бітва», які карыстаўся вялікім поспехам у гледачоў, але атрымаў неадназначыя рэцэнзіі.
Бюджэт фільма складае 1,9 мільёнаў даляраў, частку фінансавання надаў французскі Canal+, але асноўныя сродкі даў польскі ўрад.
* * *
Фільм у Канах пакажуць двойчы: 22 мая ў кіно RIVIERA 4 а 13:30, 23 мая — у PALAIS B а 11:30.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары