Больш за тое, гэта ўжо трэці фільм Шона Эверы ў Крыстафера Нолана.
Вядомы ў мінулым хакеіст Нацыянальнай хакейнай лігі і галоўны правакатар лігі Шон Эверы зняўся ў маштабным блокбастары Крыстафера Нолана «Адысея», піша «Беларускі хакей» са спасылкай на The Athletic.
Былы спартсмен выканаў ролю Лаадаманта — аднаго з адданых воінаў з каманды Адысея, якога сыграў знакаміты акцёр Мэт Дэйман.
Насуперак чаканням, у Эверы не проста кароткае камеа, а паўнавартасная роля другога плана з вялікай колькасцю экраннага часу. У адной з ключавых сцэн ён мае рэплікі, а ў фінале фільма менавіта яго персанаж удзельнічае ў выратаванні галоўнага героя.
Цікава, што падчас здымак адной з экшн-сцэн Мэт Дэйман і Джымі Гансалес спрачаліся, хто з іх хутчэй прабяжыць. Пачуўшы гэта, Эверы заявіў: «Я вас зараз знішчу», пасля чаго ў наступным жа дублі ў цяжкіх даспехах без асаблівых высілкаў абагнаў абодвух галівудскіх акцёраў.
«Адысея» — гэта ўжо трэці запар фільм Крыстафера Нолана, у якім зняўся Шон Эверы. Да гэтага рэжысёр задзейнічаў яго ў невялікіх ролях у карцінах «Довад» (2020) і «Апенгеймер» (2023).
Сам Эверы адзначае, што Нолан як добры хакейны трэнер проста цэніць людзей, якія прыходзяць на пляцоўку максімальна падрыхтаванымі да напружанай працы і разумеюць высокую адказнасць.
Цяпер чытаюць
Лукашэнка: Я на перамовах з амерыканцамі і еўрапейцамі кажу: «Я гатовы перагарнуць старонку»18
Каментары