Следчы камітэт Расіі ініцыяваў праверку ў сувязі са знаходжаннем у кватэры Ксеніі Сабчак буйной сумы наяўных грошай.
Пра гэта перадае Lenta.ru са спасылкай на сайт ведамства.
Як гаворыцца ў паведамленні, мэта праверкі — высветліць, ці былі з гэтых грошай выплачаныя падаткі, а таксама для якіх мэтаў «магла прызначацца такая буйная сума, расфасаваная больш чым у 100 канвертаў».
Грошы на агульную суму больш за мільён еўра, а таксама 480 тысяч даляраў і 480 тысяч рублёў, былі выяўленыя і канфіскаваныя падчас ператрусу, праведзенага супрацоўнікамі СК у кватэры Ксеніі Сабчак 11 чэрвеня. Ператрусы ў гэты дзень таксама прайшлі ў кватэрах Аляксея Навальнага, Сяргея Удальцова і іншых апазіцыянераў у межах расследавання справы аб «беспарадках» 6 траўня.
12 чэрвеня апазіцыянеры былі запрошаныя на допыт у Следчы камітэт. У паведамленні адзначаецца, што з’явіліся усе, за выключэннем Удальцова, які заявіў, што ідзе на апазіцыйны «Марш мільёнаў». У СКР заявілі, што дастаўляць яго на допыт прымусова следства не плануе.
У час допыту ў прысутнасці апазіцыянераў і іх адвакатаў былі агледжаныя канфіскаваныя падчас ператрусаў рэчы. У СК падкрэслілі, што ўсе запрошаныя праходзяць па справе аб беспарадках ў якасці сведак, таму мера стрымання ў дачыненні да іх абірацца не будзе. Усяго па справе аб беспарадках на Балотнай плошчы 6 траўня былі затрыманыя 13 падазраваных, сямёра з іх знаходзяцца пад арыштам.
Між тым, 12 чэрвеня следчыя мерапрыемствы працягнуліся: блогер быў запрошаны на ператрус у офісе грамадскай арганізацыі «РосПил», якую ён узначальвае.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай11
Каментары