Суддзя Сяргей Люштык аштрафаваў Андрэя Моўчана на 10 базавых велічыняў (1 мільён рублёў).
У судзе Першамайскага раёну Мінска разглядалася адміністрацыйная справа Андрэя Моўчана, затрыманага супрацоўнікамі міліцыі ўначы 14 ліпеня. Яго вінавацілі паводле арт. 23.14 КоАП (парушэнне правілаў добраўпарадкавання гарадоў) і арт. 17.1 (дробнае хуліганства).
Пры затрыманні яго збівалі ў міліцэйскім аўтамабілі, а затым і ў пастарунку. У заплечніку ў актывіста супрацоўнікі міліцыі знайшлі налепкі «Не — смяротнаму пакаранню!»
Нагадаем, што 4 ліпеня Першамайскі суд Мінска аштрафаваў Моўчана на 800 тысяч рублёў за тое, што 19 траўня той разгарнуў бел-чырвона-белы сцяг у знак салідарнасці з палітвязнем Сяргеем Каваленкам. Тады міліцыянты таксама моцна зьбілі яго, сур’ёзна траўмавалі вока, і Моўчан доўгі час правёў у шпіталі хуткай дапамогі.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары