Два сьцягі, і пад гэтымі сьцягамі – дзьве Беларусі. Дык вось наконт гэтага сказана ў Эвангельлі: «Не ўстаіць царства, што разьдзялілася само ў сабе». З пошты Рэдакцыі.
З пошты Рэдакцыі.
Нарэшце атрымаў маю «Ніву». Гэта для мяне, як і «Народная воля», – глыток жывой вады. Даведаўся, як прайшоў Дзень Волі ў Менску. І вось аб чым мае думкі. Адна Бацькаўшчына, адна зямля. Але два сьцягі, і пад гэтымі сьцягамі – дзьве Беларусі. І там, і там – за Незалежнасьць. Але пад адзін сьцяг людзі прыйшлі па закліку сэрца, а пад другі – хто пад прымусам, хто проста паглядзець на канцэрт. Дык вось наконт гэтага сказана ў Эвангельлі: «Не ўстаіць царства, што разьдзялілася само ў сабе». Менавіта царства, а не народ.
Хоць зараз нашае грамадзтва падзеленае па ідэалягічных матывах, але гэтая заганная сыстэма абавязкова разваліцца. Савецкі Саюз разваліўся, бо ён быў шматнацыянальнай імпэрыяй, а Беларусь не разваліцца як краіна, проста зьнікне дыктатарскае кіраваньне.
Павал, Дзіма, Артур, хлопцы і дзяўчаты, што церпяць ганеньні, арышты, штрафы! Ня бойцеся, успомніце, што было напрыканцы існаваньня царскай Расеі. Тысячы маладых таксама сядзелі ў турмах, на катаргах, у высылках, і ў выніку тыранія пала. У вас двайная перавага ў тым, што вы з імем Хрыста, таму ў нас з вамі ўсё атрымаецца. Бачыце, што Бацькаўшчына ў запусьценьні, ведайце, што час блізка (Мацьвея 24:15; 33‑34).
Віншую вас са Сьвятам сьветлага Хрыстовага Ўваскрасеньня, здароўя вам, цярпеньня, веры. Жыве Беларусь!
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары