Праз месяц туркі пачнуць будаваць гатэль каля мінскага аквапарка
Да чэмпіянату свету па хакеі 2014 года ў Мінску адкрыецца шэраг новых гатэляў.
Пра гэта заявіў Мікалай Ладуцька на паседжанні арганізацыйнага камітэта па падрыхтоўцы і правядзенні чэмпіянату. Зусім хутка пачне працу новы гатэль класа «3 зоркі» на 100 чалавек на вул. Інтэрнацыянальнай. Пасля рэканструкцыі ўвядуць у эксплуатацыю
Акрамя гэтага новы гатэль з’явіцца на тэрыторыі Парку высокіх тэхналогій. «На нарадзе ў ПВТ мы канчаткова вызначыліся, што па Купрэвіча, 4 інвестар ніякіх укладанняў рабіць не будзе, таму мы самі гэтую тэрыторыю зоймем, — растлумачыў мэр горада. — Тут збудуем такі ж гатэль, якія будуем сёння ў панэльным варыянце ў Цэнтральным, Ленінскім і Кастрычніцкім раёнах Мінска. Яго архітэктура цалкам упішацца ў забудову ПВТ».
Гасцей чэмпіянату змогуць прыняць і студэнцкія інтэрнаты, а таксама некалькі дзіцячых лагераў, якія спецыяльна для гэтага падрыхтуюць.
Усяго падчас чэмпіянату свету па хакеі ў Мінску адначасова змогуць размясціць 20 тыс. турыстаў.
Мікалай Ладуцька нагадаў, што інвестыцыйная праграма Мінска на наступны год фармуецца ў памеры 9–9,5 трлн рублёў. Яна прадугледжвае будаўніцтва жылля, інфраструктуры, а таксама аб’ектаў да чэмпіянату свету па хакеі. «Мы працуем над тым, каб да канца наступнага года ўсе аб’екты ўвесці ў эксплуатацыю і падрыхтаваць іх да прыёму гасцей, — падкрэсліў Мікалай Ладуцька. — У той жа час вырашаюцца пытанні па транспартным абслугоўванні заўзятараў, захаванні бяспекі, культурнай праграме».
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары