Цягнік Мінск — Варшава сёння прыбыў у польскую сталіцу з гадзінным спазненнем.
Затрыманы начальнік цягніка Мінск — Варшава, а таксама правадніца і 12 пасажыраў
Начальнік Брэсцкага аддзела ўнутраных спраў на транспарце Віталь Бідзюра пацвердзіў факт затрымання. Па яго словах,
прычынай паслужыла тое, што ў цягніку правозілі безбілетных пасажыраў — выявілі 12 «зайцоў».
Начальнік цягніка і правадніца аднаго з вагонаў цяпер знаходзяцца ў аддзяленні міліцыі, дзе яшчэ даюць паказанні. Яны затрыманыя, але пакуль ніякая мера стрымання для іх не абіралася.
Па словах Бідзюры,
у пасажыраў узялі тлумачэнні і адпусцілі.
Раней сайт Хартыя’97 паведаміў, што безбілетнікі плацілі грошы за праезд непасрэдна начальніку цягніка, што стала падставай для затрымання. Паводле пасажыраў гэтага цягніка, усё адбывалася ў 4 вагоне.
Лукашэнка знайшоў незвычайныя словы для спачування Хаменеі: «вераломная атака»27
Каментары