Прадстаўнікі Microsoft не пацвярджаюць, але і не аспрэчваюць.
У Рэдакцыю звярнуліся камп’ютаршчыкі, якія сцвярджаюць, нібыта карпарацыя Microsoft замовіла пераклад Microsoft Office 13 (раней вядомы як Office 15) на беларускую мову.
У беларускім Цэнтры інфармацыі і тэхнічнай падтрымкі Microsoft паведамілі, што не могуць пацвердзіць такую інфармацыю, паколькі праграма яшчэ не выйшла. Але і не адмаўляюць, што гэта магчыма.
Разам з тым, камп’ютаршчыкі называюць і фірму, якая, хутчэй за ўсё, зоймецца перакладам. У самой фірме нічога не кажуць — не могуць разгалошваць інфармацыю пра кліентаў.
Microsoft Office — гэта офісны пакет дадаткаў, у склад якога ўваходзіць праграманае забеспячэнне для працы на камп’ютары з рознымі тыпамі дакументаў: тэкстамі, элетроннымі табліцамі, базамі дадзеных. Адным з такіх дадаткаў з’яўляецца тэкставы рэдактар Word.
Microsoft Office 2013 — пакет з чарговымі абноўленымі дадаткамі — мае выйсці ў наступным годзе.
Раней паведамлялася, што беларускі моўны пакет будзе ў Windows 8.
Беларусы сустракаюць вызваленых палітвязняў у Вільні ФОТЫ і ВІДЭА3
Каментары