Журналісты Магілёва выказалі салідарнасць з Пачобутам і Булгакавым — фота
4 лістапада прайшла міжнародная акцыя «Станем за журналістыку!».
4 лістапада ў Магілёве паўтара дзясятка незалежных журналістаў — членаў Беларускай асацыяцыі журналістаў (БАЖ) узялі ўдзел у міжнароднай акцыі «Станем за журналістыку!».
Акцыю ў гэты дзень пяты год запар праводзяць Міжнародная федэрацыя журналістаў і Еўрапейская федэрацыя журналістаў.
«Мы стаім за журналістку штодня, калі працуем, робячы сваю справу. Нацыянальная незалежная журналістыка мае патрэбу ў падтрымцы. І гэта наша акцыя, якая прайшла ў выглядзе сяброўскай дзелавой сустрэчы, ёсць адной з перадумоў таго, што мы будзем больш абароненыя. І журналістыка ў Беларусі працягне сваю справу — інфармаваць людзей, адукоўваць іх і нават ствараць нашу нацыю», — заявіў БелаПАН старшыня Магілёўскай абласной арганізацыі БАЖ Генадзь Суднік.
Прысутныя журналісты выказалі падтрымку свайму гродзенскаму калегу Андрэю Пачобуту, які, паводле іх меркавання, пераследуецца за журналісцкую дзейнасць, а таксама былому галоўнаму рэдактару часопіса Arche Валерыю Булгакаву, паколькі з’явілася верагоднасць спынення выхаду выдання. Было прынята рашэнне накіраваць ліст у дэпартамент фінансавых расследаванняў з патрабаваннем разблакаваць банкаўскі рахунак часопіса; запатрабаваць ад кіраўніцтва Беларускага тэлебачання спыніць бяздоказныя публічныя абвінавачанні на адрас часопіса і яго аўтараў; звярнуцца ў Міністэрства інфармацыі з просьбай не дапусціць абмежавання дзейнасці Arche.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары