З эканамічных меркаванняў.
Як паведамілі ў рэдакцыі выдання, рашэнне спыніць выпуск газеты прыняў яе заснавальнік, бізнэсмэн Сяргей Атрошчанка, з эканамічных меркаванняў. Газета будзе выдавацца да канца года, каб выканаць свае абавязкі перад падпісчыкамі.
Гэта ўжо не першая спроба бізнэсмэна спыніць выхад «Обозревателя». У верасні 2009 года Атрошчанка абвясціў СМІ пра сваё рашэнне зачыніць штотыднёвік. «1 студзеня 2010 года „Обозреватель“ прыпыняе выхад», — заяўляў тады бізнэсмэн. Тым не менш, газета працягнула выхад.
Першы нумар штотыднёвіка «Обозреватель» выйшаў 23 жніўня 2002 года. Заснавальнік газеты — Сяргей Атрошчанка, беларускі бізнэсовец, заснавальнік кампаніі па выпуску бялізны і трыкатажу Serge, паведамляе БелаПАН.
* * *
Да 2001 Атрошчанка валодаў газетай «Свободные новости», аднак пасля запатрабаваў кардынальна змяніць палітыку выдання — цалкам падтрымліваць Лукашэнку, агітаваць за аднаўленне СССР. Калі журналісты адмовіліся, увесь калектыў на чале з рэдактарам Аляксандрам Уліцёнкам быў звольнены. Выгнаныя заснавалі сённяшнюю «Свободные новости плюс».
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары