P.S.
Кастусю А. зь Менску. Такі Ваш зварот пачуюць і падтрымаюць толькі тыя, хто ўжо ўсьвядоміў сябе беларусам і ўжо спрыяе нацыянальнай культуры. А вось як гэта давесьці астатнім? Бадай, лепшага за ўласны прыклад нічога пакуль ня вынайдзена. Гаварыце па-беларуску паўсюль, дамагайцеся беларускай адукацыі, урэшце, стаўце сабе на падваконьне запаленую сьвечку 25 Сакавіка, як прапануе спн. Сурвілла... Тады мусіце штодня ўступаць у жывы кантакт з атачэньнем і ўжо ад Вашага ўмельства будзе залежаць, ці пераканаеце.
Ананіму зь Менску. Лукашэнка, безумоўна, ведае, «што творыцца за ягонай сьпінаю», бо сьвядома сканцэнтраваў у сваіх руках усю ўладу ў краіне і, адпаведна, усю адказнасьць, у тым ліку і за «грашкі» БПСМ. Ваш ліст — яшчэ адно сьведчаньне таго, што гісторыя людзей ня вучыць, і кожнае новае пакаленьне абавязкова імкнецца набіць сабе гузакоў за аблудную сваю веру ў «добрага цара» і «кепскіх чаляднікаў».
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна11
Каментары