Апытаньне “НН”
Вынікі на сёньня
За каго б Вы прагаласавалі на прэзыдэнцкіх выбарах?
Зянон Пазьняк 165 (146)
Сямён Домаш 92 (76)
Вінцук Вячорка 19 (17)
Аляксандар Дабравольскі 10 (9)
Павал Жук 7 (6)
Юры Хадыка 6 (5)
Міхаіл Чыгір 7 (5)
Станіслаў Шушкевіч 5 (4)
Аляксандар Лукашэнка 3 (3)
Ні за кога 3 (2)
Алег Трусаў 3 (1)
Станіслаў Багданкевіч 2 (2)
Алесь Бяляцкі 2 (0)
Павал Казлоўскі 2 (2)
Вячаслаў Сіўчык 2 (1)
Наша апытаньне набліжаецца да канца. Застаецца падвесьці вынікі, што мы й зробім у найбліжэйшым нумары, ды паставіць нашы крыжыкі ў падпісных лістах тых, каму мы давяраем. А давяраем мы найбольш, як паказала апытаньне, з нацыянал-кансэрватыўных палітыкаў — Пазьняку, а з дэмакратычных кандыдатаў — Домашу.
На гэтым тыдні ўпершыню былі пададзены галасы за Барыса Рагулю і Сяргея Высоцкага і чарговыя галасы на карысьць Быкава й Сурвіллы. Зьвестак пра колькасьць галасоў, пададзеных за апошніх, мы ня ўлічваем, бо яны не палітыкі.
Пісьменьнік Адам Глёбус аддаў свой голас праваабаронцу Алесю Бяляцкаму, а ў якасьці назову аб’яднанай дэмакратычнай кааліцыі прапануе “Тутэйшыя”.
Маладая сям’я з Горнага завулку ў Менску піша: “Гэтым разам мы за таго кандыдата, які будзе мець найлепшыя шанцы на перамогу, а ў наступным будзем вылучаць Бяляцкага і Дабравольскага, бо яны самыя ўдарныя”.
Ну, а лёзунгам тыдня рэдакцыя прызнае беззаганна-мяккі: “За Беларусь бязь Люкашэнкі”.
Апытаньне сканчаецца. Сьпяшайцеся ўзяць удзел!
Апытаньне “НН”
За каго Вы прагаласавалі б на прэзыдэнцкіх выбарах?
Пад якім дэвізам мусіць ісьці на выбары кандыдат, за якога Вы прагаласавалі б?
За якую партыю Вы прагаласавалі б на парлямэнцкіх выбарах?
Калі б зараз стварылася новая аб’яднаная кааліцыя апазыцыі, як яна, па-Вашаму, мусіць называцца?
Запоўніце гэты бюлетэнь і дашлеце ў рэдакцыю “НН”:
220050 Менск а\с 537 “Апытаньне “НН”.
E-mail: [email protected]
Каментары