Мітрапаліт Філарэт выступіў супраць рэстаўрацыі гістарычнага цэнтру Менску.
У сваім лісьце да старшыні Менгарвыканкаму Міхаіла Паўлава ад 27 ліпеня 2004 г. кіраўнік Беларускай праваслаўнай царквы просіць не ўзнаўляць гістарычнага будынку па адрасе пляц Волі, 19-21, які разьмяшчаўся каля самага Сьвятадухаўскага сабору й быў зьнесены некалькі гадоў таму.
У якасьці абгрунтаваньня Філарэт спасылаецца на «апытаньне духавенства і прыхаджан катэдральнага сабору», якія выказаліся супраць аднаўленьня будынку. Маўляў, гэта перашкодзіць вялікім зборам вернікаў, пагоршыць бясьпеку пры масавых мерапрыемствах, дый увогуле, гэты дом усё адно будзе развальвацца ад вібрацыі мэтрапалітэну.
Заміж адноўленага будынку мітрапаліт прапануе паставіць капліцу імя князя Аляксандра Неўскага «ў гонар 60-годзьдзя Перамогі». Капліца мае паўтараць тую, што раней стаяла ў Аляксандраўскім сквэры (тамака, дзе сёньня фантан «Амур зь лебедзем»), «і гэта будзе істотным унёскам у аднаўленьне гістарычнага аблічча Менску». Тая капліца была пастаўлена ў гонар цудоўнага збавеньня цара Аляксандра ІІ ад замаху, на сродкі «вызваленых» сялянаў у 1869 годзе — акурат пасьля крывавага задушэньня вызвольнага паўстаньня Каліноўскага. Падмуркі Аляксандраўскай капліцы захаваліся. Чаму б не паставіць яе на тым самым, гістарычна адпаведным і вольным месцы?
Поўнасьцю гэты артыкул можна прачытаць у папяровай і pdf-вэрсіі "Нашай Нівы"
СХ, АШ
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне55
Каментары