Дагестанскі пісьменьнік Адало Аліеў вярнуўся на радзіму з палітычнае эміграцыі, каб атрымаць восем год зьняволеньня ўмоўна.
Судовае паседжаньне ў Махачкале цягнулася дзесяць дзён і скончылася 24 верасьня. Дагестанскага клясыка абвінавачвалі адразу па трох артыкулах Крымінальнага кодэксу Расеі: заклік да ўзброенага паўстаньня, удзел у незаконным узброенным фармаваньні і незаконнае набыцьцё, захоўваньне і нашэньне зброі. Што цікава, Аліеў сам вярнуўся з эміграцыі і добраахвотна зьявіўся ў Махачкалінскую пракуратуру.
Як паведаміў для «НН» сакратар Расейскага ПЭН-цэнтру Аляксандар Ткачэнка, пісьменьнік даслаў яму асабіста ліст з просьбай зрабіць усе захады, каб зрабіць магчымым яго вяртаньне на Радзіму: «Аліеў і ўсе мы баяліся аднага: у Махачкале яго маглі адразу ўзяць пад ахову ды пасадзіць у агульную камэру». Насамрэч прынялі Аліева даволі добра, у пракуратуры нават заплюшчылі вочы на тое, што пры вяртаньні ён нелегальна перайшоў мяжу. Да суду ён сядзеў пад хатнім арыштам.
Абвінаваўцы казалі пра тое, што Аліеў зьяўляўся галоўным ідэолягам стварэньня ісламскай рэспублікі ў Дагестане, а таксама нібы атрады Басаева і Хатаба ўваходзілі ў жніўні 1999 г. на тэрыторыю Дагестану з заклікамі Аліева.
Поўнасьцю гэты артыкул можна прачытаць у папяровай і pdf-вэрсіі "Нашай Нівы"
Сяргей Будкін
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім7
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3232
Каментары