Навука і тэхналогіі66

Будучыня энергетыкі — за празрыстымі сонечнымі панэлямі замест вокнаў. Што гэта? 

Ідэя вынаходніцтва такіх сонечных батарэй, якія б былі абсалютна празрыстымі і ўсталёўваліся замест звычайных вокнаў, лунала ў паветры даволі даўно. Уявіце, наколькі такая тэхналогія выгадная ў сучасных мегаполісах з іх шклянымі хмарачосамі. Гэта значна больш лагічна і больш практычна, чым выкладаць дах цяжкімі традыцыйнымі сонечнымі панэлямі, тым самым ствараючы дадатковую нагрузку на канструкцыі будынка.

Некалькі гадоў таму ўсё гэта стала рэальнасцю. На сённяшні дзень існуюць два віды святлопразрыстых сонечных панэлей: умоўна празрыстыя і цалкам празрыстыя. Умоўна празрыстыя панэлі прадстаўленыя ў выглядзе плёнкі і прызначаныя для налепвання на празрыстыя канструкцыі. Іхняя святлопрапускальная здольнасць дасягае 70%, што фактычна не адбіваецца на ўзроўні асветленасці памяшкання. Ствараюцца такія плёнкі з гнуткага кампазітнага матэрыялу, падобнага да пластыку, і нагадваюць звычайную таніровачную плёнку для аўтамабіля. 

Умоўныя святлопразрыстыя фотаэлементы, наклееныя на вокны

А ў 2013 годзе навукоўцам з Мічыганскага ўніверсітэта атрымалася стварыць максімальна празрыстыя сонечныя панэлі, якія цяжка адрозніць ад звычайнага шкла.

Цалкам празрысты элемент сонечнае панэлі

Раней не ўдавалася стварыць настолькі празрысты матэрыял для сонечных батарэй, бо для атрымання электрычнасці сонечная панэль павінна ўлоўліваць фатоны, якія будуць генераваць энергію.

У новым жа матэрыяле выкарыстоўваецца тэхналогія «сонечнага канцэнтратара». Арганічныя солі, якія ў ім змяшчаюцца, паглынаюць нябачнае воку ультрафіялетавае і інфрачырвонае выпраменьванне, якое, адлюстроўваючыся ад унутраных плоскасцяў панэлі, пранікае да яе тарцоў. Там яго сустракаюць вузкія палоскі з звычайных сонечных панэляў, якія і паглынаюць святло, вылучаючы энергію.

Квантавы выхад новых сонечных батарэй не вельмі вялікі: яны пераўтвараюць у электрычнасць толькі каля 7% паглынутай энергіі. Рэкордная ж на сённяшні дзень эфектыўнасць звычайных фотаэлементаў складае 44%. Аднак амерыканскія навукоўцы, падлічыўшы колькасць шкляных хмарачосаў па ўсёй краіне, а таксама ўлічыўшы іншыя магчымыя месцы размяшчэння такіх панэляў, прыйшлі да высновы, што каля 40% усёй патрэбнай ЗША электраэнергіі можа быць здабыта менавіта такім шляхам. 

Каментары6

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»5

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»

Усе навіны →
Усе навіны

Анархісту ў Расіі далі 16 гадоў за падпал ваенкамата. Ён збег у Бішкек, яго злавілі і дэпартавалі

Брусэль плануе скараціць дыпперсанал у Беларусі11

Чарговы беларускі трэнер узначаліў кіпрскі «Арыс»

Колькі шэнгенскіх віз атрымалі беларусы ў 2024 годзе і якія краіны іх часцей выдаюць?9

Адзінаццаць гадоў Лукашэнка развівае гарады-спадарожнікі. Пакуль атрымліваецца не вельмі

У ЕС узгаднілі адмену штампаў на мяжы Шэнгену1

Людзі ў шоку ад таго, колькі каштуе восем дзён плыць па рэках Палесся на цеплаходзе «Белая Русь»13

Беларус знайшоў на набытым участку дзіўныя рэчы на выпадак апакаліпсісу1

«Шыкоўны рэстаран №1». Як выглядае абноўленая сталовая гарвыканкама ў Брэсце5

больш чытаных навін
больш лайканых навін

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»5

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»

Галоўнае
Усе навіны →

Заўвага:

 

 

 

 

Закрыць Паведаміць