Пачынаюць судзіць лідара АГП Казлова. У чым сутнасць абвінавачвання, ён не разумее
Мікалая Казлова абвінававаюць у разгалошванні звестак дазнання. Яму пагражае штраф або да трох месяцаў арышту.
Справу разгледзяць у судзе Ленінскага раёна Мінска. Крымінальная справа ў дачыненні да лідара АГП з'явілася ў сакавіку гэтага года.
Раней Казлоў некалькі разоў адмаўляўся даваць падпіску аб неразгалошванні пасля допытаў у СК па крымінальнай справе супраць Каардынацыйнай рады. За гэта яго ўжо прыцягвалі да адміністрацыйнай адказнасці.
— Я дакладна не рыхтуюся да апраўдальнага прысуду. Зразумела, што суддзі зараз знаходзяцца ў парадыгме, калі «не да законаў», — распавядае «Нашай Ніве» палітык перад пачаткам пасяджэння. — Але я разлічваю хаця б даведацца ў судзе, якія даныя я распавёў. Пры азнаямленні з Крымінальнай справай я так і не высветліў ніякай канкрэтыкі.
Каментары