Жонку забітага грэчаскага пасла ў Бразіліі прысудзілі да 31 года турмы. Нават забойцу далі меней
Бразільскі суд прысудзіў Франсуазу Амірыдзіс да 31 года турмы па справе аб забойстве яе мужа, пасла Грэцыі ў Бразіліі. У 2016 годзе абвугленыя парэшткі Кірыякаса Амірыдзіса былі выяўленыя ў багажніку згарэлага аўтамабіля ў Рыа.
Яго жонка Франсуаза дэ Соўза Алівейра, як высветлілася, да гэтага завяла раман з афіцэрам ваеннай паліцыі Серхіа Гомешам. У выніку Гомеш прызнаўся ў забойстве пасла на замову жанчыны і яго прысудзілі да 22-гадовага зняволення, паведамляе Бі-бі-сі.
У канцы трохдзённага судовага пасяджэння суддзя назваў іх злачынства «зверскім».
Яшчэ адзін падсудны — Эдуарда Марэйра Тэдэскі дзі Мела — сваяк Гомеша, быў апраўданы па справе аб забойстве, але быў прысуджаны да турэмнага тэрміну за дапамогу ва ўтойванні цела.
59-гадовы Амірыдзіс працаваў консулам у Рыа-дэ-Жанейра з 2001 па 2004 год і вярнуўся ў Бразілію на пасадзе пасла ў год свайго забойства.
Ён ажаніўся з Франсуазай, якая была маладзейшай за яго амаль на 20 гадоў, у 2004 годзе, у пары ёсць дачка.
Перад смерцю Амірыдзіс паехаў са сталіцы краіны ў прыгарад Рыа Нова-Ігуасу, каб правесці калядныя святы з жонкай і яе бацькамі.
Франсуаза спачатку звярнулася ў паліцыю, заявіўшы аб знікненні мужа, сцвярджаючы, што ён пакінуў кватэру без тлумачэння прычын і з'ехаў на арандаванай машыне.
Згарэлая машына з трупам унутры была выяўленая пад эстакадай на наступны дзень.
Цела настолькі абгарэла, што бразільскія ўлады нават пасля выяўлення аўтамабіля не адразу змаглі з упэўненасцю заявіць, што загінулы — сам пасол, і заклікалі дачакацца вынікаў экспертызы.
Следчыя выявілі плямы крыві на канапе ў кватэры, дзе спынялася пара. Мяркуецца, што палюбоўнік Франсуазы забіў пасла нажом, пасля чаго цела схавалі ў арандаванай машыне і падпалілі.
-
Затрыманага ў Францыі расійскага баскетбаліста абмянялі на асуджанага ў Расіі француза
-
Куба даўно не жыла добра. Пры гэтым яе эканамічная мадэль і дэмаграфічнае падзенне моцна нагадвае лукашэнкаўскую. Ёй канец?
-
Старадрукі, якія выкрадаліся з бібліятэкі Варшаўскага ўніверсітэта, вывозіліся ў Маскву праз Мінск
Каментары