Патэлефанаваўшы Лукашэнку, Ангела Меркель спрыяла легітымізацыі яго рэжыму, лічыць Матэвуш Маравецкі.
Прэм'ер-міністр Польшчы Матэвуш Маравецкі раскрытыкаваў в. а. канцлера Нямеччыны Ангелу Меркель за перамовы з Аляксандрам Лукашэнкам. У інтэрв'ю агенцтву dpa, апублікаваным у суботу, 27 лістапада, Маравецкі вітаў намаганні ЕС, накіраваныя на дыпламатычнае ўрэгуляванне крызісу вакол мігрантаў на беларуска-польскай мяжы, аднак сказаў, што Меркель, патэлефанаваўшы Лукашэнку, «спрыяла легітымізацыі яго рэжыму, у той час як барацьба за свабодную Беларусь працягваецца ўжо 15 месяцаў», піша Deutsche Welle.
Меркель, нагадаем. у сярэдзіне лістапада двойчы тэлефанавала Лукашэнку, за што падверглася крытыцы як у Нямеччыне, так і за яе межамі. Афіцыйны прадстаўнік урада Штэфэн Зайберт абгрунтаваў неабходнасць кантактаў з Лукашэнкам катастрафічным становішчам тысяч мігрантаў на беларуска-польскай мяжы. Пры гэтым Зайберт адзначыў, што дзеянні Меркель былі ўзгодненыя з Еўракамісіяй.
Маравецкі абвінаваціў Лукашэнку ў выкарыстанні тэлефонных перамоваў з Меркель ва ўласных мэтах. «Ён прадставіў справу так, быццам Меркель пагадзілася на транспарціроўку дзвюх тысяч мігрантаў па калідоры ў Нямеччыну і іншыя еўрапейскія краіны, аднак гэта не так», — падкрэсліў польскі прэм'ер.
-
Затрыманага ў Францыі расійскага баскетбаліста абмянялі на асуджанага ў Расіі француза
-
Куба даўно не жыла добра. Пры гэтым яе эканамічная мадэль і дэмаграфічнае падзенне моцна нагадвае лукашэнкаўскую. Ёй канец?
-
Старадрукі, якія выкрадаліся з бібліятэкі Варшаўскага ўніверсітэта, вывозіліся ў Маскву праз Мінск
Каментары