Ва Украіне чым далей, тым больш шырыцца гуманітарная катастрофа. Бо расійскія войскі, не могучы нічога зрабіць з супрацівам украінскай арміі, свядома ідуць на ваенныя злачынствы, кідаючы бомбы на жылыя кварталы і абстрэльваючы іх. Сапраўдным сімвалам катастрофы, які цяпер робіцца вядомым на ўвесь свет, робіцца горад Марыупаль. У ім ужо больш за тысячу загінулых, і колькасць ахвяраў расце. Сёння прынамсі афіцыйна, хоць і з агаворкамі, прызнанае тое, што неафіцыйна было вядома і раней — на захопніцкую вайну з Украінай Расія высылае салдат тэрміновай службы. З закрыццём неба і нават з перадачай Украіне баявых самалётаў па-ранейшаму ўсё складана. А ўжо на сёння прызначаныя перамовы ў турэцкай Антальі міністраў замежных спраў Расіі і Украіны. На нейкія пазітыўныя вынікі разлічваць не выпадае, але працэс ідзе. «Наша Ніва» сочыць за развіццём падзей.
Галоўнае
Каментары