Падчас тэракту ў Тэль-Авіве жанчына выратавала маленькага сына, закрыўшы яго ад куль сваім целам
33-гадовая фітнэс-трэнер Інбар Сегеў-Вігдэр стаяла на трамвайным прыпынку са сваім маленькім дзевяцімесячным сынам Ары на руках. У гэты момант двое тэрарыстаў ХАМАС, узброеныя аўтаматамі, адкрылі агонь па мінаках, піша Bild.
Па словах відавочцаў, Інбар закрыла дзіця сваім целам — у выніку яна памерла на месцы ад атрыманых раненняў. Разам з ёй тэрарысты забілі яшчэ шэсць чалавек і паранілі 17. Дзіця Інбар выжыла — яго з-пад нежывога цела маці выцягнулі двое іншых мінакоў. Пазней немаўля перадалі ратавальнікам.
Муж Інбар Яары Вігдэр даведаўся пра тэракт у Тэль-Авіве практычна адразу ж. Ён не змог датэлефанавацца да жонкі і паехаў на месца, дзе адбылася страляніна.
Свайго сына Ары ён пабачыў у найбліжэйшай бальніцы без адзінай драпіны, там жа яму паведамілі пра смерць жонкі.
Ізраільскія СМІ паведамляюць, што Яары і Інбар пажаніліся толькі летась. Ары нарадзіўся незадоўга да таго, як яго бацьку прызвалі ў ізраільскую армію ў якасці рэзервіста і накіравалі ў сектар Газа.
«Яна была маім самым вялікім каханнем і выдатнай маці, поўнай святла і любові», — успамінае Яары сваю жонку
Іншы рэзервіст ізраільскай арміі — Леў Крайтман— у той момант, калі пачуліся стрэлы, абедаў у рэстаране непадалёк. Як і належыць рэзервісту ЦАХАЛ, ён меў пры сабе зброю. Пачуўшы стрэлы, ён пабег да аўтобуснага прыпынку і ўбачыў двух тэрарыстаў, якія ўцякалі. Крайтман застрэліў аднаго з іх і цяжка параніў другога.
Каментары
Тлумачыць разпавядаць 101 раз..ні той Выпадак..