Barys Śviatłoŭ byŭ hościem pieradačy «Kontury» na telekanale ANT. Havaryŭ jon, jak i viadučy Alaksandr Avierkaŭ, na biełaruskaj movie.
Najpierš Avierkaŭ pacikaviŭsia, ci Śviatłoŭ «łabist kultury» ci «ŭpraŭleniec». «Kali b ja byŭ łabistam, to mianie b abirali, za mianie hałasavili. Žanr maich pavodzin byŭ vyznačany tym, što ja pryznačany prezidentam, tamu ja, biezumoŭna, upraŭleniec», — kaža Barys Śviatłoŭ.
Ministr paŭtaryŭ daručeńnie Łukašenki ab bolš ščylnaj pracy z Muziejem Vialikaj Ajčynnaj vajny, Nacyjanalnym histaryčnym muziejem, prahramaj «Słuckija pajasy» i raźvićci kultury viosak.
Kali havorka zajšła pra refarmavańnie Ministerstva, to Śviatłoŭ zahavaryŭ pra Departamient ab kiniematohrafie, što jon najpierš budzie refarmavany. «Mahčyma, Departamient — heta zališniaje, častka paŭnamoctvaŭ budzie pieradadziena kinastudyi «Biełaruśfilm».«Treba nabližać kulturu siała da kultury horada», — skazaŭ Barys Śviatłoŭ. Na jahonuju dumku, u mnohich damach kultury ahraharadkoŭ infastruktura nie horšaja, čym u haradach.
Avierkaŭ papytaŭsia, ci pavinna kultura zastavacca datacyjnaj. «Biezumoŭna, pavinna», -- adrazu adkazaŭ ministr. Praŭda, potym jon užo havaryŭ pra «niejki pracent ad dziaržavy».
Siarod najbolš čakanych padziej u kultury Śviatłoŭ nazvaŭ adkryćcio paśla rekanstrukcyi Kupałaŭskaha teatra, taksama jon zapeŭniŭ, što vialikaja ŭvahu budzie nadzialacca «Słavianskamu bazaru», «Dniam piśmiennaści», «Dažynkam».Naleta Dni kultury Biełarusi projduć u dzieviaci krainach. U Ryzie pavinna być adkryta miemaryjalnaja šylda ŭ honar Janki Kupały, a ŭ Maskvie — pomnik Simiaonu Połackamu.
«24 hadzin u sutki mała», — skazaŭ novy ministr, kali ŭ jaho zapytalisia pra rasparadak dnia. Kožnuju ranicu Barys Śviatłoŭ pačynaje z2-kiłamietrovaha zapłyvu ŭ basiejnie.
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary