Siarod ich ‑‑ 44 studenty, jakija byli vyklučany z VNU pa palityčnych matyvach, astatnija 19 ‑‑ aktyvisty BNF, byłyja navučency kołasaŭskaša liceju, členy siemjaŭ represavanych.
Pavodle jaje słoŭ, kandydatury jašče piaci‑siami čałaviek razhladajucca polskim biuro prahramy, kančatkovaje rašeńnie budzie vyniesiena 29 žniŭnia.
Pavodle jaje słoŭ, siarod zaličanych na prahramu — 44 studenty, jakija byli vyklučany ź biełaruskich VNU pa palityčnych matyvach, i 19 abituryjentaŭ, jakija tak ci inakš paciarpieli za svaje palityčnyja pierakanańni, — aktyvisty BNF, byłyja navučency začynienaha ŭładami humanitarnaha liceja imia Jakuba Kołasa, členy siamiej represavanych.
Z 3 vieraśnia dla ŭsich adabranych biełarusaŭ buduć arhanizavanyja miesiačnyja kursy polskaj movy i kultury, a 1 kastryčnika — pačniecca navučańnie ŭ VNU Polščy. U miežach prahramy biełaruskim studentam buduć vydzielenyja polskija kuratary i pradastaŭlena mahčymaść biaspłatna vyvučać polskuju movu na praciahu hoda.
Pavodle słoŭ I.Kulej, vybar kankretnaj navučalnaj ustanovy ŭ Polščy adbudziecca ŭ chodzie hutarak z budučymi studentami ŭ polskim biuro prahramy Kalinoŭskaha. «Studenty jašče nie viedajuć mahčymaściej, što pradastaŭlajuć roznyja VNU Polščy», — skazała I.Kulej, zaznačyŭšy, što vybar śpiecyjalnaściej nieabmiežavany.
I.Kulej taksama paviedamiła, što sioleta kolkaść studentaŭ, jakija žadajuć vučycca pa prahramie Kalinoŭskaha, pamienšyłasia: «Takoha vału represij u adnosinach da studentaŭ my ŭžo nie nazirajem, urad zrazumieŭ, što heta nieefiektyŭna».
Pavodle jaje słoŭ, studentaŭ, jakija paciarpieli za svaje palityčnyja pohlady, aprača Polščy hatovy pryniać va Ukrainie i Litvie, u pryvatnaści ŭ Jeŭrapiejskim humanitarnym univiersitecie (Vilnius). Piać miescaŭ dla paciarpiełych pa palityčnych matyvach mahistrantaŭ vydzieliŭ i ŭrad Estonii.
Prahrama Kalinoŭskaha była zasnavana 30 sakavika 2006 hoda ŭ Varšaŭskim univiersitecie premjer‑ministram Polščy i rektarami vyšejšych navučalnych ustanoŭ hetaj krainy. Pieršy nabor u polskija VNU adbyŭsia ŭ lipieni 2006 hoda: na vučobu byli pryniatyja bolš za 200 čałaviek.
Kamientary