Hrybaŭskajcie vystupaje za raźvićcio kantaktaŭ z krainami Uschodniaha Partniorstva niahledziačy na aŭtarytaryzm
U advarotnym vypadku svoj upłyŭ u Biełarusi, Ukrainie dy inšych krainach šaściorki budzie ŭzmacniać Rasija, zajaviła prezidentka Litvy Dala Hrybaŭskajcie ŭ intervju brytanskaj haziecie «Fajnenšyał tajms».
Litva na paŭhoda pierajmaje prezidenctva ŭ Jeŭrasajuzie i supraćstajańnie rasijskamu ŭpłyvu na ŭschod ad Jeŭropy stanie adnoj z asnoŭnych zadač krainy. Litva adnojčy ŭžo vyklikała šał Kramla, kali nastojvała na antymanapolnym rasśledavańni suprać «Hazprama».
Klučavoje pytańnie dla jeŭrapiejskaj dypłamatyi — ci padpisvać damovu ab asacyjacyi z Ukrainaj, kali z turmy nie vypuściać Julii Cimašenki, byłoj premjerki krainy. Na dumku jeŭrapiejcaŭ, sprava Cimašenki paityčna matyvavanaja i ŭjaŭlaje saboj prykład vybarkavaha prymianieńnia zakona.
Damova ab asacyjacyi stvaraje zonu svabodnaha handlu i akreślivaje kirunki harmanizacyi zakanadaŭstva ź jeŭrapiejskim. Heta važny krok na šlachu da ŭstupleńnia Ukrainy ŭ Jeŭrasajuz, jakoje źmianiła b hieapalityčnuju mapu Jeŭropu. U takim vypadku Biełaruś akazałasia b atočanaja krainami ES.
Kamientary